တံခါးပေါက်ကိုအသေအချာလုံခြုံစွာပိတ်ခဲ့သည်မှန်သော်လည်း ပိတ်ပြီးသည်၏ခဏတွင်တံခါးသည်ပြန်ပြီး
ပွင့်သွား၏။ အမှန်စင်စစ်တံခါးပေါက်၏သဘောသဘာဝ အရလောကမှာဘယ်တံခါးပေါက်မှမလုံခြုံပါ။
လုံခြုံသည်ဟုစိတ်ကိုအကြိမ်ကြိမ်အဖန်ဖန် လှည့်စားပါသော်လည်းမလုံခြုံခြင်းအဖြစ်ကို ၀မ်းနည်းပက်လက်
သိနေပါသောကြောင့်ကြံရာမရ ဆောက်တည်ရာမရဖြစ်သည်အဆုံးတွင် မျက်စိများကိုမှိတ်ထားလိုက်
ပါသည်။
နေရောင်ခြည်ရောယှက်ထားသောမိုးငွေ့ မှုန်များ ကျဆင်းနေသည့်တညနေခင်းသူမပြန်သွားကတည်းက
ထိုငြင်းပယ်မှုကိုကျွန်တော်စွန့် လွှတ်သင့်ပါလျက်မစွန့်
့လွှတ်မိသောအမှားဒဏ်ကို ယခုတိုင်ခံနေရဆဲဖြစ်သည်။
ပင်ပန်းလွန်းလှပါတယ်ကွာဟု ကျွန်တော့်ခေါင်းပေါ်မှပြောသံကြားရ၏။ ကျွန်တော်ရှက်ရွံ့ မလုံမလဲဖြစ်ကာ
ကျွန်တော့်ရင်ထဲမှာသိမ်းဆည်းထားသော ဆာရီရယ်လစ် ပန်းချီကားတစ်ချပ်ကိုထုတ်ပေးလိုက်ရသည်။
ရင်ထဲမှာထိုပန်းချီကားမရှိတော့သောအခါ ပိုပြီးလေးလံမွန်းကျပ်လာ၏။ ဘ၀အဆက်ဆက်သံသရာကပါခဲ့
သောအညစ်အကြေးဝန်ထုပ်ကြီးကျန်ရှိနေသေး ကြောင်းကျွန်တော်သိသင့်ပါလျက်ကျွန်တော်မသိ။
သိသည်ဟုထင်နေသူကသိသမျှဟုတ်မှန်သည်။ သူမသိသောအရာများမဟုတ်မမှန်ဟု အာပေါင်အာရင်း
သန်စွာပြောနေ၏။ အမျှ......အမျှ။
နောက်ထက်ကြိုးစားပါဦး။ မိမိလိုလားသည်ဖြစ်စေ၊ မလိုလားသည်ဖြစ်စေဘ၀တစ်ခုကိုရပြီးသည့် နောက်
ဆက်လက်တာဝန်ယူရလိမ့်မည်ဟု လူတတ်လုပ်ပြီးပြောဖို့ကြံရွယ်သောအခါ ကျွန်တော့်ခေါင်းပေါ်ကလူက
ချောင်းတစ်ချက်ဟန့် ၏။ ဘာမှမပြောလိုက်။ ပြောလို့ လည်းရမည်မဟုတ်ပါ။ လမ်းဆိုသည်မှာလိုရာအရပ်ကို
မယိမ်းမယိုင်ဆက်သွယ်ပို့ ဆောင်သည်ချည်းဖြစ်၏။ ယ်ိမ်းယိုင်တတ်သည်မှာလမ်းမဟုတ် ခြေလှမ်းများသာ
ဖြစ်သည်။ ကျွန်တော့်ခြေလှမ်းများယိမ်းယိုင်နေသည်မှာ အနည်းဆုံးကိုးနှစ် ၊အများဆုံးတစ်ဘ၀ရှိပါပြီ။
ခရီးဆုံးအောင်သွားရမည်လား။ အဆုံးဆိုသည်မှာဘာလဲ။ တစ်ခါတစ်ရံမစမီကဆုံးတတ်သည်။
ကျွန်တော်ရှေ့ခရီးကိုစပြီးပြီလား။ ဘယ်တော့ဆုံးမည်လဲ။ အဆုံးကိုမျှော်မှန်းစဉ်းစားသောအခါမောလာ၏။
ဘ၀အမောတွေပြေလျော့ သန့် စင်ဖို့ ကွမ်းတစ်ယာနှင့်ဆေးတစ်အိုးပေးကြပါ။
ကျေးဇူပြု ပြီးမုန့် အချိုတစ်ခု့ လည်းပါပါစေ။ ကျွန်တော်သေသွားပြီ။ မည်သူကျွန်တော့်ကိုသတိရမည်နည်း။
သေခြင်းဆိုသည်မှာအစလား၊အဆုံးလား၊ အစဉ်၏အစိတ်အပိုင်းလား၊ ကျွန်တော်သေလျှင်သူမငိုမည်လား
သတိရခြင်း၊မေ့လျော့ခြင်း၊ ချစ်ခင်ခြင်း၊မုန်းတီးခြင်းတို့  အတွက်အရေးထားသတိပြုမိစရာ အကြောင်းအရင်း
ဖြစ်သောကျွန်တော်၏ဖြစ်တည်မှုတစ်ခုသည် ကန့် သတ်ချက်အတိုင်းအတာကုန်လွန်သွားခြင်းသာ
ဖြစ်ပါသည်။
ကမ္ဘာပေါ်တွင်လူသန်းပေါင်းများစွာကျန်သေး၏။ သေဆုံးသွားသူတစ်ယောက်အတွက်ဘာမှမဖြစ်ပါ။
ရှင်ကျန်ရစ်သူများကိုသာ ထမင်း၀၀ ကျွေး၊ ကလေးများကိုကျောင်းထားပေးကြပါလေ...။